Suðuroyartunnilin: Landsverk vil sleppa at leiða fyrireikingarnar

Landsverk tekur ikki undir við tilgongdini, nú Suðuroyartunnilin verður fyrireikaður.

Landsverk eigur at leiða fyrireikingarnar, tí stovnurin hevur royndirnar.

Tað sigur Landsverk í hoyringarskrivi um uppskotið hjá løgmanni um, at Landsverk skal geva partafelagnum Suðuroyartunlinum alt tilfar, sum stovnurin hevur um tunnilin, fyri einki.

Neyðugt við forkanningum

Uppskotið skal viðgerast í løgtinginum í dag.

Landsverk sigur, at neyðugar forkanningar mugu gerast, áðrenn fíggingarleistur verður gjørdur.

Og tað almenna má seta karmarnar um verkætlanina.

Landsverk vísir á, at alment innlit er ikki í partafeløg. Tí ber ikki til at tryggja gjøgnumskygni, sigur stovnurin.