Studningur til háskúlar í ríkisfelagsskapinum kemur neyvan aftur

Studningurin, sum var latin teimum, sum fóru í háskúla í Føroyum, Grønlandi ella í Danmark, kemur neyvan aftur.

Felagið hjá háskúlunum í Danmark, sum umsat studningin, Rigsfælleskabets Højskolestipendium, sigur, at torført hevur verið at lata studning, tí so fá søktu.  

Hetta sigur Jakob Engel-Schmidt, mentamálaráðharri, í svari til Sjúrð Skaale, fólkatingsmann, sum spurdi, hví pengar ikki eru settir av til studningin í ár.

Studningsskipanin kom í 2020.

Jakob Engel-Schmidt leggur dent á, at stjórnin framvegis vil stykja sambandið millum tey ungu í ríkisfelagsskapinum, millum annað við útbúgving og mentan.