Kanna møguleikarnar fyri nýggjum reinsiverki

Nýggja reinsiverkið hjá Landssjúkrahúsinum er ikki klárt at bjóða út enn.

Landssjúkrahúsið og Landsverk kanna, hvørjar loysnir eru.

Tey hava spurt bæði føroyskar og útlendskar ráðgevarar. 

Landssjúkrahúsið og Landsverk hava longu brúkt føroyskan ráðgeva í sambandi við fyrireikingarnar. Harumframt hevur ein føroyskur ráðgevi boðið seg fram.

Margit svarar Anniku

Tað sigur Margit Stórá, landsstýriskvinna, í svari til Anniku Olsen, løgtingskvinnu, sum spurdi um reinsiverkið og føroyskar veitarar.

Margit Stórá sigur, at um farið verður víðari við verkætlanini, skal útboð gerast.

Ráðgevar kunnu tá bjóða.

Meðan útboðið verður fyrireikað, er ikki møguligt hjá ráðgevum at bjóða uppá prosjekteringina.