Fiskiskapur: Harður streymur alla vikuna

Bæði ísfiskalínuskipini eru úti. 

Annað fiskar tosk og hýsu, og hitt fiskar mest longu, upplýsir Fiskamarknaðurin. 

Sjey frystilínuskip eru við Eysturgrønland og fáa mest tosk.

Trý eru undir Føroyum og fáa mest longu, tosk, hýsu og brosmu.

fiskur, fiskalandingar, avreiðingar

Útróðurin

Um útróðurin sigur Fiskamarknaðurin, at streymurin verður harður alla vikuna.

Men veðrið verður gott, so væntandi verður nakar útróðrur.

Bátarnir fáa mest av toski og hýsu. Snellubátarnir fáa eisini nakað av upsa.

Trolarar

Djúpvatnstrolarin og annar frystitrolarin fiska svartkalva. Hin frystitrolarin er á beding.

Um partrolarar sigur Fiskamarknaðurin, at fýra pør fiska upsa og annan hvítfisk. Fiskaríið eftir upsa er smáligt.

Tvey pør fiska gulllaks. 

fiskur, fiskalandingar, avreiðingar

Trolbátar og garnaskip

Seks trolbátar eru norðanfyri og fiska mest av toski og hýsu og nakað av flatfiski. 

Tvey garnaskip fiska svartkalva. Fiskaríð er ójavnt. 

Og tvey fiska havtasku. Fiskaríið hjá teimum er brúkiligt, sigur Fiskamarknaðurin. 

Á Norðhavinum

Dagur og vika var fríggjadagin ein túr á Norðhavinum og loddaði dýpið hjá útróðrarmonnunum.