Vænta at fáa 80 milliónir fyri partabrøv í Smyril Line

Fíggjarmálaráðið væntar sær slakar 80 milliónir krónur fyri partabrøvini í Smyril Line.

Tað skiltist á tí, sum Ruth Vang, landsstýriskvinna, segði í Degi og viku í gjárkvøldið.

Hon tosaði um inntøkur landskassans, sum bara vera í ár:

Landið fekk 15,8 mió. kr. netto fyri partabrøvini í Tjaldri.

Landið eigur 16,2 prosent í P/f Smyril Line.

Selja í ár

Tey partabrøvini eru ikki lýst til sølu enn. Men tey skulu seljast í ár, ætlar Fíggjarmálaráðið.

Í fíggjarlógini fyri 2023 stendur, at søluvirðið er mett at vera 79 mió. kr. í meting, sum Fíggjarmálaráðið fekk í lag. Hetta er bruttotalið, útreiðslurnar í sambandi við søluna skulu dragast frá.

Landsstýriskvinnan hevur fingið loyvi frá løgtinginum at selja partabrøvini í ár.