Skerd heildarveiting á donsku fíggjarlógini

Tær 25 milliónirnar, sum samgongan hevur samtykt at minka blokkin um árið í hesum valskeiðinum, eru tiknar við í semjuni um danska fíggjarlóg fyri 2023.

Í ár fer heildarveitingin niður í 626,6 milliónir krónur. Og í 2026 er hon 551,2 milliónir.

Føroyar eru ofta nevndar í donsku fíggjarlógini. Orðið Færøerne er 173 ferðir í lógini.

Heildarveitingin til Grønlands er fýra milliardir og 818,5 milliónir krónur í ár.

Men hon minkar næstu árini. Hon minkar okkurt um 26 milliónir um árið.