Býráðshúsið í Klaksvík verður umvælt fyri 6,7 milliónir kr.

Ein partur av fyrsta byggistigi av umvælingini av býráðshúsinum í Klaksvík má bíða til næsta ár. 

Býráðið skal í dag taka støðu til tilmæli um at dagføra tekjuna í ár og bíða við suðurskjøldrinum til næsta ár.

Tvær milliónir krónur eru tøkar til umvælingarnar í ár.

Umvælingararbeiðið, tá suðurskjøldurin er við, er mett at kosta 3,5 mió.kr.

Øll verkætlanin er mett at kosta 6,7 mió.kr.

Tá er roknað við, at hon er liðug í 2026.