Suðuroyartunnilin fær alt tilfarið frá Landsverki fyri einki

Politisk semja er um, at Landsverk skal lata partafelagnum Suðuroyartunlinum alt tilfar, sum Landsverk hevur um verkætanina, fyri einki.

Aksel V. Johannesen, løgmaður, eigur uppskotið.

Og øll í vinnunevndini hjá løgtinginum taka undir við tí.

Vinnunevndin heldur, at allar undankanningar, og øll fyrireiking skal vera hjá Suðuroyartunlinum.

Tí er nevndin samd við landsstýrið.

Tað tilfar, sum longu er gjørt, eigur tí natúrliga eisini at vera hjá Suðuroyartunlinum, sigur nevndin.

Vinnunevndin viðgjørdi málið á fýra fundum.