Landsstýrismaðurin: 130 dagar aftrat økja ikki veiðitrýstið

Fiskimálaráðið heldur ikki, at trýstið á Føroyabanka verður størri enn ráðiligt, hóast fiskidagarnir á bankanum verða 130 fleiri í ár, sammett við tilmælið frá Havstovuni.

- Størri partur fer til útróðrarbátar og minni partur til línuskip. Og tí verður trýstið ikki so stórt, sigur Dennis Holm, landsstýrsmaður. 

Havstovan

Havstovan mælti til sama dagatal í ár sum í fjør.

Tilmælið frá Havstovuni var tað sama í fjør, 200 fiskidagar. Tá fiskaðu línuskip og útróðrarbátar 361 dagar á Føroyabanka.

Hoyr innslag í útvarpstíðindunum: 

Línuskip og útróðrarbátar kunnu avhenda dagar á Føroyabanka millum sín, men ikki millum bólkarnar.

Og í bólki-5 er treytin fyri at sleppa á Føroyabanka, at báturin hevur avreitt fyri 500.000 krónur ella meira, í minsta lagi eitt av trimum teimum síðstu árunum.