- Tíðindi, mentan og ítróttur
Íløgusvik: Hava mist meira enn eina millión
Íløgusvik: Hava mist meira enn eina millión
Leiðarin á Kanningardeildini hjá løgregluni sigur, at tey, sum svikað er ímóti, skulu ikki vænta at fáa peningin aftur
Fólk hava sæð lýsingar á Facebook, sum vísa til, at okkurt navngivið og kent fólk hevur forvunnið nógvan pening við at gera íløgur í talgilda gjaldoyrað Bitcoin.
10.05.2023 - 08:26
Seinastu tíðina hevur løgreglan í Føroyum fingið fráboðanir frá fólki, sum hava verið fyri sonevndum íløgusviki.
Fólk hava mist úr nøkrum fáum túsund krónum upp í meira enn eina millión krónur.
Í flestu førum hava tey sæð eina lýsing á Facebook, sum vísir til, at okkurt navngivið og kent fólk hevur forvunnið nógvan pening við at gera íløgur í talgilda gjaldoyrað Bitcoin.
Heri Andreassen er leiðari á Kanningardeildini hjá løgregluni.
Lýsingarnar hava leinki til heimasíður, sum ofta síggja professionellar og flottar út. Heimasíðurnar eru tó ikki veruligar íløgusíður, men eru einans gjørdar til at snýta pening frá fólki.
Hoyr Hera Andreasen, leiðara á Kanningardeildini hjá løgregluni, í útvarpstíðindunum:
10052023_Ilogusvik_og_Heri_Andreassen
Er kopiera
Nýggjastu sendingar í ÚV
Nýggjastu sendingar í SV
