Viðgera frágreiðingina um H-bygningin týsdagin

Frágreiðingin um H-bygningin skal viðgerast í løgtinginum týsdagin.

Teir fýra limirnir í løgtingsgrannskoðaranevndini, Jóhannis Joensen, Erhard Joensen, Jacob Vestergaard og Erling Eidesgaard, hava lagt fram uppskot til samtyktar at gera greiðar reglur um, hvussu almennar byggiverkætlanir skulu skipast.

Uppskotið verður lagt fram, nú Landsgrannskoðanin er komin við eini lemjandi frágreiðing um byggingina av H-bygninginum á Landssjúkrahúsinum.

Í frágreiðingini verður millum annað sagt, at Landsverk misti tamarhaldið á fíggjarligu stýringini av verkætlanini, og at tað hevur verið vantandi fakligt og fíggjarligt eftirlit. 

Funnist verður eisini í frágreiðingini at Heilsumálaráðnum og Fíggjarmálaráðnum.