Søkja eftir leiðara til Heilbrigdi

Søkt verður eftir leiðari til Heilbrigdi á Velbastað at byrja 1. september ella eftir nærri avtalu.

Heilbrigdi á Velbastað byrjaði í 1986. 

Heilbrigdi er viðgerðarstovnur fyri fólk, sum eru komin ov langt við at misbrúka rúsdrekka ella onnur rúsevni. 

Pláss er fyri 12 fólkum. Viðgerðin byggir á Minnesota fyrimyndina.

Umsóknarfreistin er til 15. juni.

Sjúrður Knudsen var sagdur úr leiðarastarvinum 1. februar í ár. Hann var leiðari frá 1. mai 2018.

Varaleiðarin á Heilbrigdi, Annika E. Holm, bleiv tá sett sum virkandi leiðari.

Árni Gregersen, virkandi formaður í nevndini fyri Heilbrigdi, sigur, at hølisviðurskiftini hjá Heilbrigdi á Velbastað eru avoldað, og farið er undir fyrireikingar at byggja nýggj og tíðarhóskandi hús. 

Fyrireikingarnar verða gjørdar í samstarvi við Heilsumálaráðið og Tórshavnar kommunu.