Heim fyri fólk við serligum avbjóðingum letur upp í Suðuroy

Pláss verður fyri sjey fólkum í heiminum fyri fólk við serligum avbjóðingum í Suðuroynni.

Har vera fimm búpláss og tvey umlættingarpláss. 

Almannaverkið skrivar undir leigusáttmála í næstum. 

Tað sigur Sirið Stenberg, landsstýriskvinna, í svari til Súsonnu Bertholdsen, løgtingskvinnu.  

Annað virksemi er í bygninginum í løtuni. Tað flytur út fyri summarfrítíðina.

Síðani skulu tillagingar gerast.

Almannaverkið kann taka við leigumálinum síðst í triðja ársfjórðingi og væntandi byrja har í fjórða ársfjórðingi.

7,5 mió. kr. eru í fíggjarlógini til heimið í Suðuroynni.