Munandi betri fólkaskúli, um tilmælini verða fylgd

Fólkaskúlin verður ein munandi betri skúli, um tilmælini í álitinum verða fylgd.

Tað sigur ein bjartskygdur formaður í Lærarafelagnum, sum hevur góðar vónir um, at politiska skipanin fer at taka væl ímóti tilmælunum.

- Eitt stórt framstig er, at næmingar sleppa at velja vallærugreinir eftir áhuga, heldur enn eftir framtíðar útbúgvingarkrøvum, sigur Jacob Eli S. Olsen, formaður í Lærarafelagnum.

Jacob Eli S. Olsen

Jacob Eli S. Olsen er formaður í Lærarafelagnum. 

Jacob Eli S. Olsen var sjálvur við í arbeiðsbólkinum, sum í gjár handaði landsstýrismanninum í skúlamálum álitið um broytingar í fólkaskúlalógini.

Umframt at fólkaskúlin í størri mun enn í dag skal stimbra áhugan hjá einstaka næminginum, eru fleiri onnur góð tilmæli, ið tilsamans fara at styrkja skúlan, heldur hann.

Hoyr innslag í útvarpstíðindunum: 

Nýggja fólkaskúlaálitið verður viðgjørt nærri á Breddanum í útvarpinum fyrrapartin í morgin.