Báðar størstu kommunurnar høvdu hall í fjør

Inntøkurnar hjá Tórshavnar kommunu vóru ein milliard og 239 milliónir krónur í fjør.

Hetta eru góð seks prosent, 71 milliónir, meira enn í 2021.

Kommunan kostaði 933 mió. kr. at reka. Hetta eru 4,2 prosent, 38 mió. kr., meira enn í 2021.

Í fjør gjørdi Tórshavnar kommuna íløgur fyri 275 mió. kr. Tórshavnar havn eigur 32,1 míó. kr. av teimum.

Rakstrar, løgu- og útlánsúrslitið var hálvonnur millión í halli. Í 2021 var avlop, 60 mió.kr.

Langfreistaða skuldin við árslok 2022 var 233,5 mió.kr. 

Tórshavnar havn eigur 225,5 mió.kr og kommunan átta mió.kr.

Klaksvík, Klaksvíkar kommuna

Høvuðsorsøkin til, at hallið í Klaksvíkar kommunu gjørdist munandi størri, er, at ætlaðar inntøkur frá sølu av lendi og fastognum ikki gjørdust veruleiki, sigur kommunan.

Klaksvík 61 mió. í halli

Næst størsta kommunan, Klaksvík, hevði 60,6 mió. kr. í halli í fjør, tað var fyri avdráttir. 

Inntøkurnar vóru 315,3 mió. kr., raksturin kostaði 254,1 mió. kr. og íløgurnar 112,4 mió. kr.

Í fíggjarætlanini var hallið 37 mió. kr.

Høvuðsorsøkin til, at hallið gjørdist munandi størri, er, at ætlaðar inntøkur frá sølu av lendi og fastognum ikki gjørdust veruleiki, sigur kommunan.

Langfreistaða skuldin var við árslok 2022 var 345 mió. kr.