Kvinnan í hassjmálinum latin leys

Kvinnan, sum var handtikin í sambandi við, at løgreglan og Taks funnu umleið 10 kilo av hassji í einum persónbili, er latin leys, men hon er framvegis skuldsett í málinum.

Tað upplýsir Heri Andreassen, leiðari á Kanningardeildini hjá løgregluni.

Tað var fyrrakvøldið, at løgreglan og Taks í einum felags átaki funnu umleið 10 kilo av hassji í einum persónbili í Havn.

Ein maður og ein kvinna, sum vóru í bilinum, vóru handtikin.

Ein annar maður var handtikin umborð á einum skipi, sum stutt frammanundan var komið til Føroya úr útlondum.

Øll trý fólkini komu fyri rættin í grundlógaravhoyring seinnapartin í gjár.

Báðir menninir eru varðhaldsfongslaðir í fýra vikur.