Á land í Mykinesi: 500 krónur, takk!

Tað kom óvart á fleiri av ferðfólkunum sum komu í land í Mykinesi í vikuni, at tey skuldu rinda eitt gongugjald, tá tey komu í oynna. Á veg inn í bygdina vóru øll steðgaði og spurd um tey høvdu rindað gongugjald. Nógv høvdu ikki  - og fleiri vistu heldur ikki, hvat tosað varð um.

Tað kostar nú 500 krónur at ganga ein túr í hagan í Mykinesi og broytingarnar vórðu gjørdar frá degi til dags. Tað fall ikki í gjóða jørð hjá øllum.

Eftir innslagið vitjaði Árni Olsen, formaður í Ferðavinnufelagnum í sjónvarpsstovuni.