Grundlógaravhoyring um hvítvask

Grundlógaravhoyring um hvítvask byrjaði í Føroya rætti klokkan hálvgum tíggju í morgun.

Ein maður úr Niðurlondum, hann er føddur í 1959, var tikin á flogvøllinum í gjáramorgunin. Hann hevði 50.000 kr. uppi á sær. 

Av tí, at hann ikki kundi siga, hvaðani pengarnir stavaðu, var hann handtikin.

Í slíkum førum er illgruni um, at pengarnir koma frá ólógligum virksemi.

Maðurin hevði bæði føroyskar og danskar seðlar.

Í grundlógaravhoyringini fer ákæruvaldið at krevja, at maðurin verður dømdur alt fyri eitt og útvístur, um hann játtar seg sekan.

Um hann noktar seg sekan fer ákæruvaldið at krevja varðhaldsfongsling, so stundir vera at arbeiða við málinum.

Maðurin var einsamallur í Føroyum sum ferðamaður. Hann var her í 14 dagar.