Herjólfur og Bodø skulu avloysa Smyril

Strandferðslan mælir til, at bæði Herjólfur og norska ferjan, Bodø, fara at røkja suðuroyarleiðina, meðan Smyril liggur, tí hann skal hava tveir nýggjar hjálparmotorar.

Smyril hevur fýra hjálparmotorar, og tveir skulu tveir skiftast í næstum.

Niels Juel Arge, stjóri á Strandferðsluni, sigur, at samráðinar eru við íslendska reiðaríið, sum eigur Herjólf, um at leingja leigumálið, og við eitt norskt reiðarí, sum eigur ferjuna Bodø.

Leisturin, sum Strandferðslan mælir landsstýrismanninum, Dennisi Holm, til at velja, er at lata Herjóllf og Bodø røkja farleiðina i nakrar vikur, meðan arbeiðið við Smyrli verður gjørt liðugt.

Hoyr innslag í útvarpstíðindunum:

Bodø, sum siglir á Lofoten-leiðini, tekur knappliga 400 ferðafólk og beint oman fyri 125 bilar.

Bodø hevur stabilisatorar, og hon siglur tvær míl seinni enn Smyril.

Herjólfur III

Ætlanin er at leiga Herjólf eina tíð aftrat. (Mynd: Bjarni Árting Rubeksen)

Dennis Holm, landsstýrismaður, sigur, at enn er endalig støða ikki tikin til, hvør fer at røkja siglingina fyri Smyril.

Av tí at málið lutvíst snýr seg um pengar, og at eykajáttan tí skal til, fer Dennis Holm at umrøða hetta á landsstýrisfundi týsdagin.

Síðani verður málið avgreitt seinni í komandi viku.