Special Olympics: Hóri vann bronsu í ryggsvimjing

Hóri Hemmingson vann bronsu í 100 metra ryggsvimjing á Special Olympics World Games í Berlin seinnapartin.

Stórur spenningur var undan kappingi, tí greitt var, at tað kundi verða javnt millum fleiri.

Soleiðis var eisini, og hóast Hóri Hemmingson ikki av álvara blandaði seg upp í gullstríðið, eydnaðist at fáa heiðursmerki.

Hóri Hemmingson skal svimja aftur leygardagin.

 - Tá skal eg svimja 100 crawl, skjótt, og eg hopi, at eg endi á fyrsta, øðrum ella triðja plássi, segði Hóri Hemmingson eftir kappingina.