Trípartasamráðingar um styttri arbeiðsviku eru byrjaðar

Trípartasamráðingar um 37 tíma arbeiðsviku, ella styttri arbeiðsviku, eru byrjaðar, upplýsir Starvsfelagið.

Landstýriskvinnan í arbeiðsmarknaðarmálum hevur sett eitt trípartasamráð við umboðum frá arbeiðsmarknaðinum og politisku skipanini.

Í trípartasamráðnum eru:

• Ingilín D. Strøm, Pól Egholm og Astrid Reinert Øregaard fyri politisku skipanina
• Óluva í Gong og Súni Selfoss fyri arbeiðstakarar á almenna arbeiðsmarknaðinum
• Pætur Niclasen og Sonja Jógvansdóttir fyri arbeiðstakararnar á privata arbeiðsmarknaðinum
• Kristoffur Laksá og Niels Winther fyri privata arbeiðsgevararnar
• Jan Mortensen og Anita Fuglø, fyri arbeiðsgevararnar á almenna arbeiðsmarknaðinum
• Alfred Petersen, advokatur og fyrrverandi semingsmaður, leiðir samráðingarnar

Landsstýriskvinnan vil, at alt, sum verður umrøtt á fundunum, verður hildið innan fyri  fundarveggirnar fyri at hava arbeiðsfrið og fyri at fyribyrgja, at óneyðugt stríð tekur seg upp uttan fyri fundarhølini, sigur Starvsfelagið.