Landslæknin: Sjúklingatrygdin var í vanda í læknavaktini

Sjúklingatrygdin var í vanda, tí nakrir fáir læknar tóku mest sum allar vaktirnar í læknavaktini.

Tað vísir innlit, sum Kringvarpið hevur fingið í samskifti millum Heilsutrygd og Landslæknan.

Annar av teimum báðum læknunum, sum tóku flest vaktir hevur fingið átalu millum annað fyri manglandi journalisering - viðurskifti, sum eru mett at seta sjúklingin í vanda.