Pauli Jacobsen: - Eg havi tað av h****** til

Pauli Jacobsen tók stóran part av fjórðingsfinalutapinum fyri Serbia á seg.

 - At fara út á hendan hátt, serliga tá ið eg haldi, at eg kanska havi størsta partin av skyldini sjálvur, er øgiliga tungt, segði U21-landsliðsmálverjin.

Pauli Jacobsen iðraði seg um fyrra hálvleik, har hann ongantíð fekk veruligt tak á sterka serbiska skjúttanum, Miloš Kos.

 - Eg eri kanska akkurát ov seinur á meir ella minni øllum bóltunum. Eg fari rætt so at siga hvørja ferð, men teir fara inn kortini, og so er tað líka mikið, segði hann.