Fyrireika seg at taka ímóti Paul Watson

- Útgangsstøðið er, at vit vilja ikki hava skipið hjá Paul Watson í Føroyum.

Tað sigur Dennis Holm, landsstýrismaður í fiskivinnumálum, nú umhvørvisaktivisturin, Paul Watson, hevur boðað frá, at hann setur kósina móti Føroyum í summar. 

Í Fiskimálaráðnum eru tey farin at fyrireika seg.

Dennis Holm

Dennis Holm er landsstýrismaður í fiskivinnumálum.

Landsstýrismaðurin hevur heimild til at geva ávísum skipum forboð at koma inn um 12 fjórðingamarkið, um tey kunnu væntast at gera seg inn á lógligt virksemi, til dømis um tey fyrr hava roynt at forða fyri lógligum virksemi.

Hoyr innslag í útvarpstíðindunum: 

Nýggja skipið hjá Paul Watson skuldi annars mótmæla veiðuni eftir stórhvali í Íslandi í summar. Men Íslendska stjórnin boðaði síðani frá, at hon fyribils útsetti loyvið at veiða stórhval til 31. august, tí ivamál eru um djóravælferðina, og at tað tekur ov langa tíð at avlíva stórhvalirnar.