Nólsoyarstova pakkað út

Handverkararnir leggja seinastu hond á arbeiðið við Nólsoyarstovu í Havn. Fýri skjótt fýra árum síðan keyptu Jógvan Hans og Anna Maria Østerø gomlu Nólsoyarstovu við tí fyri eyga at seta hana í stand og varðsveita so nógv av tí gamla sum gjørligt.

Nógv kom undan kavi, tá tey fór at taka tað gamla niður. Søgan strekkir seg langt aftur til bæði Jákup Nolsøe, beigga Nólsoyarpáll, sum keypti húsini í 1795, tey vóru eitt skifti Tjaldurs Apotek, síðan konsulát og heilsøla hjá Knud Lambaa, men fullu í vanrøkt við søguni goymdari í veggunum.

Gongur sum ætlað, so verður alt arbeiðið liðugt einaferð í heyst, og tá verður ein íbúð á hvørji hædd. Enn vitja tey ikki, hvat skal vera í kjallaranum