Bogaskjúttarnir endaðu við tveimum bronsum

Føroyar fingu tver ferðir triðja pláss í liðkappingini í bogaskjóting fyrr í dag.

Liðið í recurve var mannað av Hans Peturi Højgaard, Sólgerð Henriksen og Hans Boga Ellefsen. Tey trý kundu trygga sær finalupláss við síðsta pílinum í hálvfinaluni, men tá tað ikki eydnaðist gjørdu tey í staðin bart í bronsudystinum.

Nikkel Petersen, Helena við Misá og Jóannes Poulsen á compound-liðnum hittu stórfavorittarnar av Jersey í hálvfinaluni, og tey taptu greitt. Í bronsudystinum skutu tey sera væl, og vunnu trygt.

Tey vóru glað fyri at fáa ein frídag í morgin, og vóru sum heild væl nøgd við avrikið í Guernsey.