Leingja verjugarðin í Kirkjubø

Farið er undir at leingja verjugarðin í Kirkjubø, so hann eisini verjir Múrin.

Í fjør byrjaði arbeiðið at leingja verjugarðin, bakkaverjuna, í Kirkjubø.

Nakrir steinar blivu lagdir í fjøruna framman fyri Ólavskirkjuna.

Í summar verður hildið fram.

Verandi garður verður longdur, so steinar fara at liggja undir Kirkjubømúrinum suður til verjugarðin við kirkjutoftina Líkhús. 

Í fíggjarlógini fyri 2023 eru 750.000 krónur til arbeiðið.

Ólavskirkjan er annars vard móti sjónum við verjumúri, sum er frá 1874.