Eykajáttan til umvælingar og at kanna ridluskriða

Løgtingið samtykti hósdagin at játta hálva aðru millión til bráðneyðugar umvælingar á Sýnini í Vágum og 879.000 kr. til genkanningarnar, tá tey fara á fjall í Leynum og grannahøgunum. Løgtingið veik frá tíðarfreistunum, so allar tríggjar viðgerðir vóru hósdagin. Og í gjár varð lógin lýst.

Vinnumálaráðið ætlar saman við Fiskimálaráðnum og Búnaðargrunninum at gera eina ætlan um at kanna ílegur hjá seyði í øllum landinum.

Umvælingin hevur skund

Umvælingar á Sýnini hava skund, og tí ber illa til at bíða eftir heimildarlógini, verklagslógini, um høvuðsumvæling og heldur ikki eftir semju millum kommunurnar og Almannamálaráðið um umvælingina. Ellis- og røktarheimið í Vágum eigur fýra milliónir krónur í fíggjarlógini fyri 2013 til umvælingar.

Fíggjarnevndin heldur fast um, at avtala eigur at verða gjørd kommunurnar og Almannamálaráðið, og at tann hálva onnur milliónin, sum nú er játtað, verður við í landsins parti í heildarætlanini. Tað fer at kosta góðar 30 mió. kr. at umvæla ellis- og røktarheimið í Vágum.