![](https://svf.olivant.fo/sites/default/files/styles/myndasavn-width/public/vlcsnap-2023-07-19-14h48m53s771.png?itok=62W3IItB)
- Tíðindi, mentan og ítróttur
Dómarin: Skiparin hevði fingið gilduga innkalling at møta
![](https://kvf.fo/sites/default/files/styles/grein-ovasta-mynd/public/watson_3.jpg?itok=7iltPNmb)
Skiparin, John Paul de Joria, møtti ikki í Føroya Rætti klokkan eitt í dag.
Men hann hevði fingið gilduga innkalling at møta í rættinum.
Tað staðfesti dómarin fyri løtu síðani.
Hetta merkir samstundis, at viðgerðin av sjálvum málinum kann byrja.
Katrin Thorsvig er ákæri.
Verjin: Hevði eingi boð fingið
Tá rættarfundurin byrjaði klokkan eitt, var skiparin, Daniel Binyon, ikki møttur, og verji hansara, Bjørn á Heygum, segði, at hann hevði ikki fingið boðini um at møta.
Katrin Thorsvig Hansen, ákæri, segði hinvegin, at skiparin við vilja hevur roynt at sleppa sær undan at taka ímóti boðunum.
Katrin Thorsvig Hansen segði við Kringvarpið fyrrapartin, at politiið var hjá skipinum fríggjadagin, og at roynt var á ymsan hátt at geva skiparanum innkalling til rættarfundin í dag.
Bjørn á Heygum er verji.
Brotið forboðið tríggjar ferðir
Nú, tað er staðfest, at skiparin hevur fingið gilduga innkalling, fer rætturin undir at viðgera málið móti honum.
Skipið hevur tríggjar ferðir brotið forboðið, sum varð sett skipinum at sigla innum 12 fjórðinga markið.
Harumframt hevur manningin ikki givið seg undir innferðareftirlit í sambandi við, at tað sigldi inn í føroyskt øki.