Russiska virksemið flutt í altjóða sjógv

Í smáar tvær vikur hava føroyskar havnir verið stongdar fyri øllum vrksemi hjá russiskum skipum, sum ikki beinleiðis eru fevnd av fiskiveiðuavtaluni millum Føroyar og Russland. Herdu revsitiltøkini móti Russlandi komu í gildi 12. juli, og russar hava longu lagað seg eftir tí. Russisku fiskiskipini umskipa sína veiðu til farmaskip, sum taka ímóti fiskinum á opnum havi í altjóða sjógvi.

Oljan - bæði til russisku fiskiskipini og farmaskipini, sum taka ímóti teirra veiðu - kemur nú í høvuðsheitum við tangaskipum úr Norra.

Við framkomnu dataskipanini FishFacts ber til at síggja alt virksemið hjá russiskum skipum, eisini aftur í tíð.

-Mynstrið er heilt greitt broytt, síðani revsutiltøkini komu í gildi. Tað, sum fyrr varð gjørt í føroyskari havn, verður nú gjørt í altjóða sjógvi, staðfestir Óli Samró, stjóri í FishFacts.

Nú gera russisku skipini aftur tað, sum tey gjørdu, áðrenn londini samdust um at skipa viðurskiftini og fáa virksemið til lands, heldur enn at umskipa og bunkra á opnum havi.