Ukrainskur hermaður hvílir undir Bøsdalafossi

Hetta gjørdist seinasta ferðin hjá Stanislav Horbovtsov. Oman ígjøgnum Bøsdalafoss og út í Norðuratlantshav ein vakran og blikastillan sunnudag í august. 

Stanislav Horbovtsov – ella Stas, sum hann vanliga varð nevndur, gjørdist 30 ár. Hann var ukrainskur hermaður og doyði undir einum russiskum álopi í Bakhmut, har eysturi í Ukraina, ein heldur gráðan og kaldan tollaksmessudag, 23. Desember, í fjør.