- Tíðindi, mentan og ítróttur
Hægsta vatnstøða í Noregi í hálva øld
Hægsta vatnstøða í Noregi í hálva øld
Hóast ringa veðrið, við nógvum avfalli, er av á hesum sinni í Noregi, fer vatnstøðan framvegis at hækka í áum og áarløkum, ávarar norski forsætisráðharrin
Í gjár floymdi vatn inn í norska býin Braskereidfoss, sum liggur góðar 160 kilometrar frá høvuðsstaðnum Oslo, tá ein byrging rapaði.
Mynd: Ritzau / Scanpix
10.08.2023 - 08:00
- Vit hava hægstu vatnstøðu í 50 ár ella meira. Vatnið skal burtur av vegunum, og tí fer vatnstøðan at hækka í áum, segði Jonas Gahr Støre, norskur forsætisráðharri, á tíðindafundi í gjárkvøldið.
Sambært norska forsætisráðharranum, verða tveir teir komandi dagarnir krevjandi og eyka tilbúgving verður sett inn til hart raktu økini, eitt nú verða fleiri tyrlur tøkar.
Byrging rapaði
Í gjár floymdi vatn inn í norska býin Braskereidfoss, sum liggur góðar 160 kilometrar frá høvuðsstaðnum Oslo, tá ein byrging rapaði.
- Tað er stór náttúrurstyrki, sum ger um seg í hesum døgum. Vit í Noregi liva vanliga tætt at náttúruni, men tað er ørkymlandi, tá hús, lív og heilsa hjá fólki verða hótt av náttúruni, segði norski tilbúgvingarráðharrin í samband við vatnflóðina.
Tað er í løtuni óvist, hvat fer at henda við oyðiløgdu byrgingini, skrivar Danmarks Radio.
Er kopiera
Nýggjastu sendingar í ÚV
Nýggjastu sendingar í SV
