New York Times setir sjóneykuna á føroyska gransking

Pál Weihe, professari, hevur vitað tað og gjørt vart við tað í nógv ár, og gjørt seg sera illa dámdan millum føroyingar, fyri at siga tað hart.

At havið nú er so dálkað av PFAS og øðrum evnum, at hann frámælir, at føroyingar eta grind, og at kvinnur, sum eru við barn, bara eta avmarkaðar nøgdir av fiski. 

PFAS er mannagjørt evni, sum er leingi um at verða niðurbrotið og tí fer langa leið við luftini, regninum og havstreymunum og hópast upp í føðiketuni. 

Pál Weihe

PFAS er millum annað at finna í vatni, fiski og hvali. PFAS er eitt evni, sum kann millum annað skaða immunverjuna hjá børnum.

Tað skrivar granskingarráðið í tíðindaskrivi.

Í gjár varð drúgv grein um PFAS gransking almannakunngjørd á heimasíðuni hjá  New York Times Magazine. 

Í hesi greinini er samrøða við Pál Weihe, professara, um hansara lívlongu gransking í PFAS og øðrum dálkingarevnum.

Greinin í New York Times er 18 síður við myndum, og fer víða um, bæði í føroysku granskingini og í altjóða PFAS granskingini.