Sandá og ósin skulu vera rein

Síðani 23. juni hevur Tórshavnar Kommuna mælt fólki frá at baða í Sandá og í ósanum í Sandágerði.

Umhvørvisdeildin í kommununi hevur hetta tíðarskeiðið roynt at finna útav, hvar kolibakteriurnar stava frá. 

Sandá

Úrslitið av kanningunum verður klárt síðst í august mánað, sigur borgarstjórin, sum við støði í kanningarúrslitunum vil finna eina loysn fyri økið.

- Vit skulu virða tað virksemi, sum er fram við Sandá, heilt niðan í Havnardal. Men vit skulu eisini tryggja reint vatn niðri í ánni og í ósanum, soleiðis at fólk kunnu njóta hesi fríøki, sigur Heðin Mortensen.

Borgarstjórin væntar, at loysnin verður at seta upp eitt reinsiverk. 

- Skeltið, sum mælir fólki frá ta baða í ánni og ósanum, skal ikki vera ein afturvendandi sjón, lovar Heðin Mortensen.