Meirilutin í býráðnum slitnaður

Meirilutin í býráðnum á Tvøroyri er slitnaður. 

Tað veit Dimmalætting at siga í dag.

Jónleyg Bech, býrráðslimur, hevur tikið seg úr meirilutanum í býráðnum, váttar hon fyri Dimmalætting.

Hon var uppstillað fyri Felagslistan við Kristini Michelsen, borgarstjóra, á odda. 

Felagslistin fekk fýra býráðslimir, og sostatt fekk listin meiriluta einsamallur.

Umframt Kristin Michelsen vóru Anita Vibergsdóttir, Alvi Mortensen og Jónleyg Bech vald í býráðið fyri Felagslistan.

Tey fýra hava sostatt sitið í meiriluta í býráðnum. Javnaðarflokkurin, sum fekk tríggjar býráðslimir, hevur verið í minniluta. 

Kringvarpið hevur roynt at fáa viðmerkingar frá Jónleyg Bech og Kristini Michlesen, borgarstjóra, men tað hevur ikki eydnast.