Eyðun Johannessen deyður

Eyðun Johannessen deyður
Eyðun Johannessen var fyrsti yrkisleikari í Føroyum, og var 85 ár, nú hann doyði
Eyðun Johannessen bleiv 85 ára gamal
Mynd: Hans Petur Hansen  
 
04.09.2023 - 15:45

Í gjárkvøldið andaðist Eyðun Johannessen, sjónleikari og leikstjóri.

Eyðun Johannessen var føddur í Havn 28. apríl 1938 og vaks upp í Rabarbukvarterinum í Havn. 

Hann var fyrsti yrkisleikari í Føroyum og var 85 ár, nú hann doyði.

Eyðun Johannessen tók útbúgving sum sjónleikari á Kongaliga Sjónleikarhúsinum í Keypmannahavn og Sjónleikaraskúlanum í Odense.

Í sjeytiárunum var hann knýttur at føroyska sjónleikaraumhvørvinum, og saman við øðrum stovnaði hann sjónleikarabólkin Grímu, sum legði lunnar undir Tjóðpall Føroya.

Í síni tíð í Føroyum var hann eisini virkin í at framleiða útvarpsleikir, sum gjørdust fólkaogn, millum annað "Fólk og dólgar í Kardumummubýnum" og "Dýrini í Valbakkaskóginum".

Eyðun Johannessen starvaðist í fleiri ár í Sjónleikarhúsinum í Aarhus, har hann bæði var yrkissjónleikari, leikstjóri og dramalærari.

Hann var eisini rektari á sjónleikaraskúlanum í Aarhus Teater frá 1979 til 1986

Tvey av børnunum hjá Eyðuni Johannessen, Olaf og Annika Johannessen, eru eisini yrkissjónleikarar. 

Í 1997 kom Eyðun Johannessen á heiðurslistan hjá Statens Kunstfond yvir listafólk, ið fáa lívlanga veiting. Og í 2001 fekk hann Mentanarvirðisløn Landsins fyri sítt leiklistaliga avrik. 

Sí: "Eyðun Johannessen in memoriam" eftir Kinnu Poulsen frá Listaportalinum

 

Játtanarsøgur leikstjórans

Í 2011 gjørdi Kringvarp Føroya heimildarfilmin "Játtanarsøgur leikstjórans" um Eyðun Johannessen. 

Portrettfilmurin varð gjørdur í sambandi við, at Eyðun Johannessen vitjaði aftur í heimstaðnum Tórshavn, fyri at seta upp leikin "Meðan vit bíða eftir Godot" eftir Samuel Beckett.

Í steðgunum millum venjingarnar saman við leikarunum á tjóðpallinum í Havn, lítur Eyðun Johannessen aftur á lívið sum leikstjóri.

Vit hoyra um avbjóðingarnar og um trongdina til at vera einsamallur, og vit fáa eina mynd av fjakkandi lívinum sum leikstjóri í Norðurlondum.

"Játtanarsøgur leikstjórans" er ein erlig mynd av einum persóni, sum brennir treytaleyst fyri listini.

Ivan Hentze Niclasen og Hans Petur Hansen løgdu til rættis. 

Heimildarfilmurin verður vístur í sjónvarpinum sunnudagin, men kann eisini síggjast her:

 

ASE00409_Jattanarsoegur_leikstjorans

 

Er kopiera
Nýggjastu sendingar í ÚV
Mikudag 14. august
Morgunlestur mikudagur 14. august 2024
179078
Týsdag 13. august
Minibarrin - 90'ini í poppi og hendingum
176763
Týsdag 13. august
Musikkstevnan 2024 í Fuglafirði (2:2)
179157
Týsdag 13. august
Musikkstevnan 2024 í Fuglafirði (1:2)
179156
Nýggjastu sendingar í SV
Mikudag 14. august
Dagur og vika - teknmálstulkað
179206
Týsdag 13. august
Eg noyðist at lurta
179189
Týsdag 13. august
Veðrið
179177
Mánadag 12. august
Hin rusuti á Aconcagua (7:10)
177967
Fríggjadag 9. august
Veðrið
179049