Kriminalforsorgin kannar øki at byggja fongsul á

Í heyst koma umboð fyri donsku kriminalforsorgina til Føroya at síggja økini, sum eru boðin fram at byggja fongsul á.

Vitjað verður í øllum níggju kommununum, sum hava sent inn uppskot. Ávís krøv eru til økið, eitt nú fermetratal og atgongd til almennan veg.

Landsstýrið ætlar at vera við í allari tilgongdini, sigur Bjarni Kárason Petersen, landsstýrismaður í lógarmálum:

Fongslið skal loysa varðhaldið í Mjørkadali av, har fólk, sum hava fingið minni enn 18 mánaða fongsul, sita.

Hini skulu til Danmarkar at sita dómin. 

Í nýggja fongslinum verða bæði viðgerðartilboð og útbúgvingartilboð til fangarnar, so at teir fáa góða tilgongd út í samfelagið aftur. Landsstýrið varðar av hesum partinum.

Bjarni Kárason Petersen, landstýrismaður, 16:9

Bjarni Kárason Petersen er landsstýrismaður í lógarmálum. 

Níggju kommunur hava boðið seg fram at hýsa fongslinum, sum skal byggjast í Føroyum.

Tær eru Tvøroyrar kommuna, Eiðis kommuna, Kvívíkar kommuna, Tórshavnar kommuna, Sunda kommuna, Fuglafjarðar kommuna, Vága kommuna, Nes kommuna og Eysturkommuna. 

Fongslið skal eftir ætlan vera liðugt í 2029. Ætlanin er, at allir føroyingar skulu kunna sita sín dóm í Føroyum, tá fongslið er liðugt.