Søkja nú eftir stjóra til Posta

Starvið sum stjóri í Posta verður lýst nú í september ella tíðliga í oktober.

Tað sigur formaðurin í nevndini hjá Posta, Jóan Magnus Rasmussen.

Joel undir Leitinum segði seg úr stjórastarvinum 1.juli.

Fíggjarleiðarin fyribilsstjóri

Jógvan Joensen, fíggjarleiðari, var settur sum fyribilsstjóri í longsta lagi til 1.januar 2024.

Jóan Magnus Rasmussen sigur, at tíðarætlanin er at lýsa stjórastarvið leyst nú í september ella tíðliga í oktober, og seta stjóran í november.

Hann sigur, at nevndin hevur ikki gjørt av enn, um lýst verður uttanlands eisini.