Gro Harlem Brundtland býráðslimur í Oslo

Fyrrverandi norska forsætisráðfrúan, Gro Harlem Brundtland, trínur nú aftur inn á politiska pallin.

Tað er greitt, eftir at hon varð vald í býráðið í Oslo á kommunuvalinum mánadagin.

Tað skrivar Aftenposten. 

Gro Harlem Brundtland var upprunaliga aftast á listanum hjá Arbeiðaraflokkinum, men við  2.855 persónligum atkvøðum endaði hon sum nummar 11 á listanum.

Gro Harlem Brundtland var forsætisráðfrú í trimum tíðarskeiðum í 80'unum og 90'unum. Hon hevur eisini verið aðalskrivari í heimsheilsustovninum, WHO.