Ocean Explorer hevur kynt í aftur kjakið um ferðafólkaskip og tilbúgving

Tað eydnaðist at fáa Ocean Explorer av aftur flúrinum um middagleitið í dag. Men nú verður kjakast um vandan við mongu ferðafólkaskipunum.

Í Føroyum er hetta eisini ein avbjóðing. Stjórin á Vørn hevur upplivað støður, har hann hevur krympað tærnar, tí hann hevur verið bangin fyri, at okkurt fór at henda.

Tó ynskja føroysku havnirnar enn fleiri ferðafólkaskip til landið. Runavíkar Kommuna er ein kommuna, sum roynir at fáa ferðafólkaskip inn á smærru fyrðirnar til smærru bygdirnar. Men Tórbjørn Jacobsen heldur ikki, at støðan í Grønlandi og støðan í Føroyum kunnu samanberast.