Ókeypis sálarfrøðihjálp kostar nógv meira enn mett

Tilboðið um ókeypis sálarfrøðihjálp til ung kostar nógv meira enn mett.

Og enn hevur landsstýriskvinnan í heilsumálum ikki gjørt av, hvussu tilboðið, sum varar til 31. oktober, skal skipast í framtíðini.

Tað sigur Margit Stórá, landsstýriskvinna, í svari til Kaj Leo Holm Johannesen, løgtingsmann.

Royndarskipanin um ókeypis sálarfrøðihjálp til ungfólk millum 15 og 35 ár, kom á vári 2021. 

Kaj Leo Holm Johannesen

Kaj Leo Holm Johannesen, løgtingsmaður, spurdi um ókeypis sálarfrøðihjálpina.

12.200 viðtalur

Higartil hava 1.770 ávísingar verið til skipanina, og 12.200 viðtalur verið. 

Heilsutrygd hevur eftirmett skipanina, sum vísti, at brúk er fyri tílíkari skipan.

Eisini vísti eftirmetingin, at skipanin hevur avbjóðingar. 

Til dømis hevur visitasjónin verið ov breið, og útjaðaraøkini, serliga Suðuroyggin, eru ikki so væl umboðað.