Tríggir arbeiðsbólkar arbeiða við Suðuroyartunlinum

Tríggir arbeiðsbólkar arbeiða við Suðuroyartunlinum
Tá allar forkanningar, haldføriskanning og uppskot um fíggingarleist eru liðug, er málið klárt til politiska støðutakan, sigur løgmaður
Gongst sum ætlað, verður koyrandi í Sandoyartunlinum í hesum árinum. Forkanningarnar til Suðuroyartunnilin skulu verða lidnar næsta ár.
 
22.09.2023 - 08:21

Politiski fylgibólkurin hjá løgmanni, sum viðger Suðuroyartunnilin, og har allir flokkar í løgtinginum eru við, hevur havt sín fyrsta fund.

Og Løgmansskrivstovan, Fíggjarmálaráðið, Fiskivinnu- og Samferðslumálaráðið, Landsbankin og partafelagið Suðuroyartunnilin greina, hvussu nógv íløgan kostar, og hvussu nógv rakstrurin kostar samanborið við siglingina á suðuroyarleiðini.

Tey skulu gera uppskot um fíggingarleist.

Tað upplýsir Aksel V. Johannesen, løgmaður, í svari til Bjarna Hammer, løgtingsmann.

 

Bjarni Hammer, løgtingsmaður, spurdi løgmann um Suðuroyartunnilin. (Mynd: Bjarni Árting Rubeksen)

 

Forkanningar lidnar næsta ár

Hann spurdi, nær uppskot um verklagslóg um Suðuroyartunnilin kemur í løgtingið.

Løgmaður sigur, at forkanningarnar vera lidnar við ársenda í 2024. 

Tunnilsfelagið hevur sett tríggjar arbeiðsbólkar, sum arbeiða við linjuføring og atknýttum vegum, trygd og, hvat skal gerast við grótið úr tunlinum.  

Tá allar forkanningar, haldføriskanning og uppskot um fíggingarleist eru liðug, er málið klárt til politiska støðutakan, sigur Aksel V. Johannesen, løgmaður.
 
10 mió.kr. eru í fíggjarlógini í ár, og 10 milliónir vera í uppskotinum um fíggjarlóg fyri 2024.

Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Guðstænasta í Gøtu kirkju.
175298
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Nýggjastu sendingar í SV
Mánadag 20. mai
Andakt við Jógvani Zachariassen
175305
Mánadag 20. mai
Andakt við Derhardi Jógvansson
175303
Sunnudag 19. mai
Guðstænasta úr Gøtu kirkju
175297
Leygardag 18. mai
Dagur og vika - teknmálstulkað
175283