Nú fáa skúlanæmingar vetrarfrí

Næmingar í fólkaskúlanum fáa nú vetrarfrí. Samstundis verður summarfrítiðin stytt eina viku. 

Djóni Nolsøe Joensen, landsstýrismaður í barna- og útbúgvingarmálum, ætlar, at skipanin við vetrarferiu skal koma í gildi næsta skúlaár, og at vetrarfrí verður í viku sjey á hvørjum ári.

Vertrarferian skal verða galdandi í eini trý ára royndartíð.

Landsstýrismaðurin hevur havt fund við Føroya Lærarafelag, Felagið Heim og skúla, Skúlaleiðarafelagið, Kommunufelagið og Pedagogfelagið um ætlanina.

Uppskotið er nú sent út til allar skúlaleiðslur t.e. skúlastjórar, varaskúlastjórar, fyrstilærarar og einalærarar, umframt øll næmingaráð kring landið.

Hoyringarfreistin er 6. oktober.

Hoyringarskrivið kann lesast her.