Seks pláss aftrat á Herberginum

Heimleys, sum ongastaðni hava at vera um náttina, fáa nú eina hjálpandi hond.

Seks pláss koma aftrat á Herberginum í Havn, og tey verða tøk 1. oktober.

Hetta eigur at vera nóg mikið at loysa trupulleikan, sigur Sirið Stenberg, landsstýriskvinna í almannamálum. 

Talan er um eina "her-og-nú loysn," sum landsstýriskvinnan málber seg.

Loysnin fer at kosta okkurt um 300.000 kr., tað sum eftir er av árinum, og peningurin er tøkur, sigur Sirið Stenberg.

Hon væntar, at hetta verður ein varandi loysn:

Herbergið

Sirið Stenberg, landsstýriskvinna, saman við umboðum fyri Almannaverkið og Herbergið.

Tríggir sjálvbodnir felagsskapir fáa stuðul til at veita serlig bútilboð til heimleys.

Blái Krossur í Havn hevur sjey pláss, Umsorganarheimið Gloria í Klaksvík hevur átta pláss, og Frelsunarherurin hevur 20 pláss á Herberginum í Havn.

Av teimum í alt 35 plássunum eru í dag bert tvey herbergspláss, og tey eru á Herberginum í Havn.

Nú koma seks herbergspláss aftrat.