Nevndin í Lærarafelagnum er ímóti vetrarfrí í skúlanum

Nevndin í Lærarafelagnum vil ikki hava vetrarfrí.

Tað skrivar Eyðbjartur S. Skaalum, nevndarlimur, á heimasíðuni hjá Lærarafelagnum.

Hann skrivar, at vetrarfrí fer at hava við sær, at vit ikki bara hava eina viku, har vit eru burtur, men tað vera kanska 10 dagar, har næmingar ikki eru til staðar.

Hetta ger, at undirvísingin verður óstøðug, tí so nógvir næmingar mangla í flokkinum. 

skúlanæmingar, fólkaskúlin, skúlabørn, skúlar

Ætlanin er, at fyrsta vetrarfrítíðin i skúlanum verður í feburar í 2025. (Savnsmynd: Bjarni Árting Rubeksen)

Vetrarfrí í 2025

Djóni N. Joensen, landsstýrismaður, hevur boðað frá, at vetrarfrí verður í viku sjey, sum er í februar. Fyrstu ferð verður í 2025.

Eyðbjartur S. Skaalum skrivar eisini, at hoyringarfrestin er stutt, frá 24.september til 6.oktober.

Hetta er eitt stutt skotbrá at skula viðgera hetta í skúlunum, í skúlastýrum, næmingaráðum og í námsfrøðiliga ráðnum, skrivar hann. 

Um grundgevingin er tann, at summarfrítíðin er ov long, og hon absolutt skal styttast, høvdu vit øll fingið meiri gleði av at lagt teir fimm dagarnar hvør sínu megin jólafrítíðina, skrivar Eyðbjartur S. Skaalum, nevndarlimur í Føroya lærarafelag.

Les greinina her.