Selja meiri heilivág

Apoteksverkið selur støðugt meiri heilivág.

Sølan í 2021 var 42,5 mió, kr. størri, enn hon var í 2017. Vøksturin er 22,8 prosent.

Tann størra helvtin fór til Sjúkrahúsverkið, 24,8 milliónir. Har er vøskturin 29,8 prosent.

Men vøksturin í nøgd er ikki so stórur, Hann er 11,3 prosent. Vøksturin í Sjúkrahúsverkinum er 9,2 prosent.

Tølini fyri 2022 eru ikki tøk enn.

Apoteksverkið, framleiðsluapotekið, apoteksbygningurin á Staravegnum í Havn

Burturbeining

Tølini eru í svari frá Margit Stórá, landsstýriskvinnu, til Liljuna Weihe, løgtingskvinnu, sum spurdi um heilivágsnýtslu.

Margit Stórá sigur, at í Føroyum verður ikki skrásett, hvussu nógvur og hvør heilvágur verður burturbeindur.  

Men mett verður, at tað er í Sjúkrahúsverkinum, at størsta virði av heilivági fer fyri skeytið.

Seinastu árini er tó eitt átak gjørt fyri at minka heilivágsspillið, sigur Margit Stórá.