Eitt ár og tríggjar mánaðir fyri neyðtøku og onnur brotsverk

Ungi maðurin, sum er dømdur fyri neyðtøku í Havn á ólavsøku 2021, fekk, sum ákæruvaldið kravdi, eitt ár og tríggjar mánaðir.

Men allir 15 mánaðir eru ikki treytaleysir.

Eitt ár er treytað og tríggir mánaðir treytaleysir.

Orsøkin er, at maðurin var so ungur, tá tað, sum hann er dømdur fyri, hendi. Hann er føddur í 2005.

Maðurin er eisini dømdur fyri at stjala ein bil í Klaksvík og koyra uttan at hava koyrikort.

Maðurin og ákæruvaldið hava nú tvær vikur at gera av, um tey skulu fara í Landsrættin við málinum.

Maðurin noktaði seg sekan, tá hann var í rættinum í summar.