Nýggjur skúlastjóri í Vestmanna

Landsstýrismaðurin í barna- og útbúgvingarmálum, Djóni Nolsøe Joensen, hevur sett Kristionnu Jacobsen í starvið sum skúlastjóri í Vestmanna skúla frá 16. oktobur at rokna.

Kristianna Jacobsen er 51 ára gomul og býr í Havn. Hon tók læraraprógv í 2013, og hevur síðani januar 2014 arbeitt í Hvalvíkar skúla, fyrstu árini sum lærari og frá 2019 sum skúlaleiðari.

Harumframt hevur hon eisini leiðsluroyndir frá privatum virksemi m.a. sum dagligur leiðari í Mentanarhúsinum í Fuglafirði.

Kristianna Jacobsen

Kristianna Jacobsen er nýggjur skúlastjóri í Vestmanna skúla. 

Kristianna Jacobsen hevur nomið sær eftirútbúgving í leiðslu, umframt ymisk styttri skeið í ávísum lærugreinum og í føroyskum sum annaðmál.

Í 2021 tók hon skeið  í yvirskipaðari námsfrøðiligari leiðslu á masterstigi, masterdiplom í leiðslu í ár, og lesur í løtuni master í leiðslu og skipan á Fróðskaparsetrinum.