Stóra hassjmálið byrjar í dag

Stóra hassjmálið byrjar í Føroya rætti í dag.

Seks rættardagar eru settir av til málið, týsdagur, mikudagur og hósdagur í hesari vikuni og í næstu viku.

Nógv vitni eru. Tí eru seks dagar settir av.

Tveir menn eru ákærdir. Annar er 31 ár og hin 32. Báðir er føroyingar. Annar er ákærdur fyri at smugla 25 kilo av hassji, og hin fyri at hava smuglað 10 kilo.

Smuglaði í tveimum førum

Annar er ákærdur fyri at hava smuglað í tveimum førum, 15 kilo í tí fyrra og 10 kilo í tí seinna.

Hassjið var í bilum, sum komu til Føroya við Norrønu.

Onnur smuglingin var í juni og hin í oktober í fjør. 

Menninir hava verið í varðhaldi síðani í november í fjør. Teir nokta seg sekar.