Ruth Vang: Broyttur karmur kostar landskassanum 100 mió. um árið

Skulu vit ganga krøvunum frá sjúkrarøktarfrøðingunum á møti, verður eisini neyðugt at broyta lønarkarmin fyri onnur feløg á almenna arbeiðsmarknaðinum, og tað fer at kosta landskassanum í minsta lagi 100 milliónir krónur aftrat um árið.

Tað sigur Ruth Vang, landsstýriskvinna í fíggjarmálum, nú Óluva í Gong, forkvinna í felagnum Føroyskir Sjúkrarøktarfrøðingar hevur víst, at tað er "larmandi tøgn og lívshættisligt treiskni frá Fíggjarmálaráðnum, ið framvegis noktar at samráðast."

- Vit eru sinnað at flyta okkum, men tað má vera innan fyri tað, sum er fíggjarliga ráðiligt, sigur Ruth Vang.

Hoyr samrøðu við landsstýriskvinnuna í fíggjarmálum í útvarpstíðindunum: